साहिर हाशमी की शाएरी

مجھ کو تؤ نے غير نہ سمجھا ہوتا

ميرے دل  کے زخم کو ديکھا ہوتا

رہنے ديتا کا ش مجھے جنّت  ميں

دنيا ميں  کيوں آج ميں  رسوا  ہوتا

 ____________________

مغموم  کلی  بھی گل خنداں  ہو  جاۓ

 ويرانئ غم ، رشک  گلستاں  ہو جاۓ

ہو جاۓ  اگر  فضل  خدا   اے  ساحر

ہر ظلمت شب صبح درخشاں ہو جاۓ

______________________

ھر  قيمت  پر آن  بچانا   سيکھو

وقت آۓ تو جان  گنوانا  سيکھو

نادانو ، تقدير پہ شاکر  کيوں ھو

خود   اپنی   تقدير  بنانا   سيکھو 

___________________

راھوں ميں جو چلنے سے بھی گھبراۓ گا

منزل نہ  ملے  گی  يوں  ھی  رہ  جاۓ گا

جينا  ھے  جو  دنيا  ميں  نڈر  بن   کر  جی

مرنے  سے  ڈرے  گا  تو  نہ  جی  پاۓ گا

__________________________ 

دن رات کوئ  پی  کر  مسرور  ہوا

کوئ   غم   دنيا   سے  مجبور   ہوا

ہر شخص کی ويسی  ھی تقد ير بنی

جيسا  بھی  مشيّت  کو  منظور   ہوا

_____________________ 

گلشن کی فضا کيف بداماں ہو جاۓ

تا حد نظر کيف کا  ساماں  ہو جاۓ

جنّت ميں بدل  جاۓ  يہ  دنيا  ساحر 

انسان  اگر  واقعی  انساں  ہو جاۓ

_____________________

دامن  ہو  اگر  چاک  تو  سی  ليتے  ہيں

امڈے ہوۓ اشکوں کو بھی پی ليتے ہيں

بگڑے  ہوۓ  حالات   سے  ڈرنا   کيسا

ھم وہ ہيں جو ہر حال ميں جی ليتے ہيں

________________________